খুহুতীয়া লিমাৰিক

লেখক: প্ৰাণজিৎ বৰুৱা

(১) তিনি আলিত ৰ’লো, ছোৱালী জোকাওঁ বুলি

এজনীক দেখি কমেন্ট দিলো ভন্টী লাগিছে তোমাক গুলি

তাই চালে বেঁকাকৈ ,

তললৈ হাউলী লাহেকৈ ,

মোলৈ চোঁচা ল’লে,ৱতাই হাই হিলজোৰ খুলি ।

(২) গুটখা বন্ধ কৰি স্বাস্থ্য মন্ত্ৰীৰ হুংকাৰ

অসম মুক্ত হ’ব ধপাতৰ, কমি যাব কেঞ্চাৰ

পানদোকানীৰ প্ৰতিবাদ ,

কেনেকৈ মোকলাওঁ পেটৰ ভাত ,

গুটখাই কে’লে, মদ, চিগাৰেটো দেখোন হেলথৰ বাবে সমানেই ডেঞ্জাৰ ।

(৩) বিয়নী মেল এতিয়া হ’ল বোলে অতীত

সকলো বিজি ৰং, কালাৰ্ছ, জী টিভিত

পৱিত্ৰ ৰিষ্টা, ৰাগিনি আৰু ভাৰাঘৰ ,

সকলোবোৰ মহিলা সংস্থাৰ বৰ মৰমৰ ,

কাৰেন্ট গ’লেও ডেমকেয়াৰ দিনত আকৌ দিয়ে যে চব ৰিপিট ।

(৪) অসমত এতিয়া বেষ্ট ছেলাৰ নীলমনি ধাবা

বিশ টকাত আঠ জনে পেট ভৰাবলৈ পাবা

মন্ত্ৰীয়ে কেতিয়াও মিছা কথা নকয় ,

ধাবালৈ সেয়ে মানুহৰ তামাম সোঁত বয় ,

ধাবাত হেনো লিখা আছে,”আঢ়ৈ টকাত খাই বৈ এমাহ বাচন ধুবা ।”