5
কবি: ইমৰাণ হুছেইন আল আমিন
সৌ শৃংগটো দেখিছ ?
তাত তোৰ দেউতাৰাই মৌদাম সাজিছে ।
তেতিয়া তোৰ ডালিম গুটীয়া দাতবোৰ গজিছিল মাত্ৰ ।
দেউতাৰাই মোক কি কৈ গৈছিল জানো!
মাটিডৰাত জেওৰা দিবি
আজি তই বৰটো হলি ,
সেয়ে জেওৰাবোৰ তই উঠাই দিছ।
ইয়াত ছাগলী নুপুহিবি ,
বাও ধান খাবলৈ হালধীয়া চৰাই নাহিব,
পাৰিলে ইয়াত এটা পুখুৰীকে খান্দ।
তই কিয় পাহৰি গলি ;
মৈদামৰ পৰাই দেউতাৰাই তোলৈকে চাই আছে
মোৰ পোনাকণ এতিয়া বৰটো হ’ল ।
