প্ৰগতি

কবি: ভগৱান শৰ্মা , গুৱাহাটী বিশ্ববিদ্যালয়

প্ৰগতি…

বিজ্ঞান শতিকাৰ

সু সভ্য মানুহৰ

ৰোমাঞ্চকৰ সৃষ্টি,

নে ধ্বংসৰ ভ্ৰূণেৰে গৰ্ভৱতী হোৱা

প্ৰচণ্ড এট’মিক শক্তি ?

পংগুত্ব ,

মানৱতা ,

দাসত্ব ,

নে স্বাধীনতা ,

কাক বোলা হয় প্ৰগতি?

প্ৰগতি

তৰালেখা জুপুৰীৰ

প্ৰাসাদলে হোৱা উত্তৰণ,

ৰীতি নীতি পৰম্পৰাৰ

অযৌক্তিক ৰক্ষণাবেক্ষণ,

নে জ্ঞানৰ ডেওনা ডেই

প্ৰজ্ঞাৰ কষতিত

মণ আৰু মগজুৰ গভীৰ কৰ্ষণ ??